Արոնյանը հաղթեց Մամեդյարովին Նալչիկում կայացած շախմատի մրցաշարի առաջին փուլում

ԵՐԵՎԱՆ, 16 ապրիլի. /Նովոստի-Արմենիա/. Գրոսմայստեր Լևոն Արոնյանը չորեքշաբթի սև խաղաքարերով հաղթեց ադրբեջանցի գրոսմայստեր Շահրիյար Մամեդյարովին Նալչիկում անցկացվող «Գրան Պրի» շախմատի մրցաշարի առաջին փուլում։

Այսպիսով առաջին փուլի արդյունքներով Արոնյանը բաժանում է առաջին տեղը Ալեքսանդր Գրիշչուկի հետ, ով իր հերթին հաղթանակ է տարել Բորիս Գելֆանդի նկատմամբ։ Մշրցաշարի մյուս երեք փուլերն ավարտվել են ոչ-ոքի։

Հայաստանը մրցաշարում ներկայացնում է գրոսմայստեր նաև Վլադիմիր Հակոբյանը, ով ոչ-ոքի է խաղացել Ուզբեկստանի ներկայացուցիչ Ռուստամ Կասիմժանովի հետ։

Հինգշաբթի տեղի կունենա երկրորդ փուլը, որտեղ հայ գրոսմայստերները կխաղան իրար հետ։ Մյուս պարտիաներում կհանդիպեն Սվիդլեր-Իվանչուկ, Էլյանով-Գրիշչուկ, Գելֆանդ-Ալեքսեև, Կասիմժանով-Կարյակին, Լեկո-Մամեդյարով, Կամսկի-Բաքրո զույգերը։

Ապրիլի 15-ին Նալչիկում մեկնարկել է «Գրան-պրի ՖԻԴԵ» շարքի տղամարդկանց չորրորդ փուլը։ Մրցույթին մասնակցում են համաշխարհային շախմատի էլիտան կազմող 14 գրոսմայստերներ։ -0-