Մոսկվան ավանդական շքերթով ու վետերաններին օգնություն ցուցաբերելու միջոցով կնշի Հաղթանակի օրը

Մոսկվայի իշխանությունները քաղաքաբնակների համար մայիսին 9-ին պատրաստել են մի շարք տոնական միջոցառումներ և տարբեր նյութական օգնություններ վետերանների համար, հաղորդում է ՌԻԱ Նովոստիի քաղաքապետարանի աղբյուրը:

«Հաղթանակի 64-ամյակի տոնակատարություններին նվիրված գլխավոր միջոցառումները կդառնան մայիսին 9-ին Կարմիր հրապարակում անցկացող ռազմաշքերթը, պատերազմի վետարանների հանդիսավոր ընդունումը Կրեմլում, վետերանների, թիկունքի պաշտպանների հանդիպումը Մեծ թատրոնի նոր բեմում, ինչպես նաև Մոսկվայի կառավարության շենքում կազմակերպված հանդիսավոր համերգը»,- տեղեկացրեց գործակալության զրուցակիցը:

Նա նշեց, որ քաղաքի իշխանությունները դիմել են Մոսկվայի ՆԳ գլխավոր վարչությանը` ճանապարհային երթևեկության անվտանգության և հանրային կարգի պահպանման, մարդկանց զանգվածային կուտակումների վայրերում պաշտպանության հավելյալ միջոցներ ձեռնարկելու խնդրանքով:

«Բոլոր միայնակ և կարիքավոր վետերաններին օգնություն կզուցաբերվի բնակարանի, սանտեխնիակական սարքավորումների և կենցաղային տեխնիկայի նորոգման հարցերում: Ավանդույթի համաձայն, վետերաններին միանվագ նյութական օգնություն կցուցաբերվի»,- հաղորդել է պաշտոնյան:

Հայրենական մեծ պատերազմի վետերաններն ու հաշմանդամները 2 հազար ռուբլի կստանան, շրջափակման մեջ և համակենտրոնացման ճամբարում գտնվածներն ու նրանց այրիները՝ 1,5 հազար ռուբլի, հազարական ռուբլի էլ կստանան թիկունքի պաշտպանները:

Քաղաքային իշխանությունները չափազանց կարիքավոր հաշմանդամներին ու պատերազմի մասնակիցներին հեռուստացույցներ, սառնարաններ ու լվացքի մեքենաներ կնվիրեն, իսկ Մոսկվայի պաշտպանության մասնակիցներին, թիկունքի պաշտպաններին ու պատերազմի վետարններին Պոդմոսկովյեի և Ռուսաստանի հարավի առողջարանների ուղեգիր կտրվի, նրանք ռազմական փառքի ճամփաններով էքսկուրսիա կատարելու հնարավորություն կունենան:-0-