Կյանքից գոհ ռուսների թիվը ճգնաժամի պայմաններում նվազել է. ՀԿՈՒՀՌԿ

ԵՐԵՎԱՆ, 31 մարտի. /Նովոստի-Արմենիա/. Կյանքից գոհ ռուսների թիվը ճգնաժամի պայմաններում 2008 թվականի 77 տոկոսից նվազել է մինչև 69 տոկոսի՝ ընթացիկ տարում, «ՌԻԱ Նովոստիում» մամուլի ասուլիսի ժամանակ հայտարարեց  Հասարականան կարծիքի ուսումնասիրման համառուսաստանյան կենտրոնի (ՀԿՈՒՌՀԿ) հաղորդակցությունների տնօրեն Օլգա Կամենչուկը։

Ըստ նրա՝ ավելի հաճախակի են ՌԴ քաղաքացիները հայտարարում, որ իրենց երջանիկ չեն զգում։ Եթե 2008 թվականին նման կարծիք ուներ 15 տոկոսը (12 տոկոսը՝ ավելի շուտ ոչ, 3 տոկոսը՝ հստակ ոչ), ապա այժմ՝ 21 տոկոսը (16 և 5 տոկոս՝ համապատասխանաբար)։ Մյուսներից երջանիկ են իրենց զգում 34 տարեկանից ցածր ռուսաստանցիները (մոտ 77 տոկոս), իսկ դժբախտ մարդիկ ավելի հաճախ հանդիպում են տարեցների թվում (30 տոկոս)։

ՀԿՈՒՌՀԿ հարցումն անցկացվել է 2009 թվականի փետրվարի 28-ից մարտի 1-ը, մարտի 7-8-ը և 21-28-ը։ Հարցմանը մասնակցել է ՌԴ 42 մարզերի և երկրամասերի 140 բնակավայրերից 1,6 հազար մարդ։ Վիճակագրական անճշտությունը չի գերազանցում 3,4 տոկոսը։ -0-