ԵՐԵՎԱՆ, 24 մարտի. /Նովոստի-Արմենիա/. Մոսկվայի քաղաքապետ Յուրի Լուժկովը կարգադրություն է ստորագրել Ռուսաստանի վրացիների միություն հասարակական կազմակերպության նախագահ Միխայիլ Խուբուտիային իր խորհրդական նշանակելու մասին, «ՌԻԱ Նովոստիին» հաղորդել է քաղաքապետարանի աղբյուրը:
«Համաձայն կարգադրության՝ Միխայիլ Խուբուտիան Մոսկվայի քաղաքապետի խորհրդական է նշաբակվել հասարակական հիմունքներով»,- ասել է գործակալության զրուցակիցը։
Խուբուտիան ծնվել է 1966թ. Վրացական ԽՍՀ Զուգդիդի քաղաքում։ Ավարտել է Ժողովրդական տնտեսության Պլեխանովի անվան ինստիտուտը և Մ.Վ.Լոմոնոսովի անվան ՄՊՀ-ն, որտեղ ստացել է իրավաբանի դիպլոմ։ Խուբուտիան պարգևատրվել է ՌՈՒԵ Սերգեյ Ռադոնեժսկու առաջին աստիճանի մեդալով և ՌԴ նախագահի մեդալով՝ քաղաքացիների հայրենիասիրական դաստիարակության գործում ունեցած ակտիվ մասնակցության և Հայրենական մեծ պատերազմում հաղթանակի 60-ամյա հոբելյանի նախապատրասատման և անցկացման գործում ունեցած ներդրումների համար։ -0-
