Կասպյան երրորդ գագաթնաժողովը կանցկացվի Բաքվում. Լավրով
Կասպյան երրորդ գագաթնաժողովը կանցկացվի Բաքվում, հինգշաբթի Ադրբեջանի արտգործնախարար Էլմար Մամեդյարովի հետ բանակցությունների արդյունքում հայտարարել է ՌԴ ԱԳ նախարար Սերգեյ Լավրովը։
«Կարծում ենք, որ մոտ ամիսներին մենք առաջ կշարժվենք այդ հարցերի շուրջ (մասնավորապես, Կասպյան տածաշրջանում անվտանգության ապահովման հարցի շուրջ) և հիմք կնախապատրաստենք Կասպյան հերթական գագաթնաժողովի համար, որը որոշված է անցկացնել Ադրբեջանի մայրաքաղաքում», - ասել է Լավրովը։
Բաքու կատարելիք այցի նախօրեին Լավրովը տեղեկացրել էր, որ Ռուսաստանն ու Ադրբեջանը, որպես հարևան պետություններ և տարածաշրջանային ակտիվ խաղացողներ, քննարկելու շատ թեմաներ ունեն։
«Դրանց թվում են, իհարկե, կասպյան հարցերը, որոնք ներառում են նաև Կասպից ծովի կարգավիճակի սահմանումը, Կասպյան տածաշարջանում անվտանգության ապահովման և Կասպյան տնտեսական համագործակցության կազմակերպման բազմակողմ մեխանիզմի ստեղծումը։ Մեր կարծիքով՝ այդ հարցերի շուրջ կարելի էր ավելին անել», - ասել է ՌԴ ԱԳ նախարարը։-0-
