Ռյազանում պղծել են ռուս-հայկական բարեկամության հուշարձանը

ԵՐԵՎԱՆ, 12 մարտի. /Նովոստի-Արմենիա/. Ռյազանի Մոսկովյան մայրուղու վրա գտնվող ռուս-հայկական բարեկամության հուշարձանի վրա ֆաշիստական խորհրդանիշ է հայտնվել, հաղորդում է Ռուսաստանի հայերի «Երկրամաս» թերթի տեղեկատվական կենտրոնը՝ հղում անելով ՌԻԱ-ի «7 լուրերին»։

Խորհրդանիշը հայտնվել է մարտի 10-ին։

Ռյազանի մարզի Ներքին գործերի վարչության մամուլի ծառայության ղեկավար Վլադիմիր Գոլևի խոսքերով՝ քաղաքի բնակիչներից այդ դեպքի առթիվ որևէ դիմում ոստիկանությունը չի ստացել։-0-