2009 թվականի սկզբից ի վեր շուրջ 190 հազար արտասահմանցի է ժամանել Մոսկվա, ինչը 17 տոկոսով շատ է նախորդ տարվա նույն ժամանակահատվածի ցուցանիշից, երեքշաբթի լրագրողներին է հայտնել մայրաքաղաքի աշխատանքի և զբաղվածության վարչության ղեկավար Օլեգ Նետերեպսկին:
«Տարեսկզբից տարբեր նպատակներով Մոսկվա է ժամանել պաշտոնապես գրանցված 190 հազար արտասահմանցի, ինչը 17 տոկոսով շատ է նախորդ տարվա նույն ժամանակահատվածի ցուցանիշից: Նրանցից 32 հազարը պաշտոնապես աշխատանքի են տեղավորվել»,- ասել է նա, հաղորդում է ՌԻԱ Նովոստին:
Նետերեպսկու խոսքերով, քաղաք եկած արտասահմանցիներից բոլորը չէ, որ աշխատանքային միգրանտներ են, սակայն մայրաքաղաք այցելելու աճը վկայում է արտասահմանցի աշխատողների համար նրա գրավիչ լինելու փաստի մասին։
Նա նաև հայտնեց, որ 2009 թ.-ին «Մոսկվան խնդրել է 250 հազար մարդու քվոտա արտասահմանցի աշխատողներին գրավելու համար, իսկ սոցիալական զարգացման առողջապահության նախարարությունը հաստատել է 392 հազար մարդու քվոտան»։
«Մոսկվան իրավունք չունի աշխատավարձի առումով կոշտ պայմաններ առաջադրել։ Աշխարհում կանոններն այլ են։ Բայց եթե մենք կարգ չսահմանենք, գործատուների՝ էժան աշխատուժ գտնելու ցանկությունը մեծ կլինի»,- ասաց Նետերեպսկին։ --0--
