Մոսկվայում կկայանա ֆրանսիացի աստղ Մարինա Վլադիի ներկայացում-խոստովանության պրեմիերան

Ֆրանսիացի աստղ Մարինա Վլադիի «Վլադիմիր կամ Ընդհատված թռիչք» ներկայացման ռուսական պրեմիերան ուրբաթ տեղի կունենա Մեյերխոլդի անվան թատերական կենտրոնի բեմում, «ՌԻԱ Նովոստիին» տեղեկացրել են Ազգերի թատրոնի հյուրախաղերի կազմակերպչի մամուլի ծառայությունից։

«Վլադիմիր կամ Ընդհատված թռիչք» ներկայացումը խոստովանություն է, որտեղ մեծանուն ֆրանսիացի դերասանուհին բավականին անկեղծ և, միաժամանակ, զուսպ կերպով պատմում է իր ողջ կյանքը պարուրած կրքի մասին։

Ռեժիսոր Ժան-Լյուկ Տարդյեյի ղեկավարությամբ Վլադին կարոտով հիշում է այն տարիները, որոնք նա անցկացրել է Փարիզի և Մոսկվայի միջև՝ անքակտելիորեն կապված մնալով Վլադիմիր Վիսոցկու հետ, նա նաև պատմում է երկու պայծառ անձնավորությունների հիանալի և բարդ հարաբերությունների մասին։

Ներկայացման հիմքում ընկած է Վլադիի համանուն գիրքը, որն անցած դարաշրջանի 80-ականներին դարձել էր Ֆրանսիայի և Ռուսաստանի մշակութային կյանքի խոշոր իրադարձությունը։ Ինչպես և գիրքը, այս ներկայացումը ևս մեծ հաջողություն է ունեցել Ֆրանսիայում։

Ֆրանսիական պրեմիերան տեղի է ունեցել 2006 թ.-ին՝ Փարիզում գտնվող հայտնի Բուֆ դյու Նորդի բեմի վրա։ Մամուլն այս ներկայացումը համարել էր «իսկական փոքրիկ գլուծգործոց»։

«Փաղիսկոփ սմեն դը Փաղիին» տված հարցազրույցում Մարինա Վլադին պատմել է, որ ներկայացումն արտացոլում է իր տեսակետն այն ամենի մասին, ինչ տեղի է ունեցել իրենց հարաբերություններում, ներկայացման ընթացքում նա նաև կատարում է Վլադիմիր Վիսոցկու երգերը։

«Այո, բավականին դժվար էր այս ամենը, - ասում է Վլադին։ Սկզբում ես չգիտեի, թե ինչպես եմ պատմելու այդ ամենը։ Ես կրկին սկսեցի հիշել այն ամենը, ինչ փորձում էի մոռանալ՝ նրա ոտանավորները, երգերը։ Այնուհետև զգացի պահը։ Եվ ինչպիսի երջանկություն ապրեցի՝ չնացած ողջ բարդությանը, երկար սգի, ես վերջապես գտա դեպի լույս վերադարձի ճանապարհը, և դա այնքան կարևոր է»։

Կինոյի, թատրոնի, հեռուստատեսության ֆրանսիացի դերասանուհի, երգչուհի Մարինա Վլադին եղել է Վիսոցկու կինը 1970 թվականի դեկտեմբերից մինչև նրա մահը՝ 1980 թ.-ի հուլիսի 25-ը։ 1987 թ.-ին Վլադին ամուսնու մասին հիշողությունների գիրք հրատարակեց՝ «Վլադիմիր  կամ ընդհատված թռիչք...»  անվանումով (1987)։

Միակ ֆիլմը, որտեղ Վլադին և Վիսոցկին հանդես են գալիս միասին, «Նրանք երկուսն են» դրաման է, որը ֆրանսհունգարական արտադրությամբ նկարահանվել է 1977 թ.-ին։-0