ՌԴ ՄԴԾ ղեկավարը կարծում է, որ արտասահմանից հայրենակիցների կամավոր վերաբնակեցման աջակցության պետական ծրագիրը տալիս է առաջին պրակտիկ արդյունքները։
«2008 թ.-ի դեկտեմբերի 5-ի դրությամբ Ռուսաստան են տեղափոխվել այդ ծրագրի 8,5 հազար մասնակիցներ և նրանց ընտանիքները։ Այդ ծրագրի իրականացման դինամիկայի վերլուծությունը ցույց է տալիս, որ վերաբնակեցվածների թիվն աճում է։ Այսպես, ընթացիկ տարվա հուլիսից ամեն ամիս տեղափոխվել է մոտ հազար մարդ», - ասել է ՄԴԾ տնօրեն, միլիցիայի գեներալ-գնդապետ Կոնստանտին Ռոմոդանովսկին՝ Մոսկվայում կայացած ՌԴ ՄԴԾ ընդլայնված խորհրդակցության ժամանակ, հաղորդում է «ՌԻԱ Նովոստին»։
Նրա կարծիքով, այս հարցի շուրջ ՌԴ Անվտանգության խորհրդի նիստը թույլ է տվել որոշել պետական ծրագրի մեխանիզմի գործունեության արդյունավետության բարձրացման ուղիները, «որոնք հաջոդ տարի մենք պետք է իրագործենք»։-0-
