Նազարբաևն առաջարկել է ՀԱՊԿ շրջանակներում չհարձակվելու մասին համաձայնագրի խախտման համար պատժամիջոցներ մտցնել
Ղազախստանի նախագահ Նուրսուլթան Նազարբաևը հանդես է գալիս ՀԱՊԿ շրջանակներում չհարձակվելու մասին համաձայնագրի խախտման համար հավաքական պատասխանատվության մեխանիզմի ստեղծման օգտին։
«Մենք բոլորս խոսում էինք ԱՊՀ-ում չհարձակվելու մասին, սակայն Վրաստանի կողմից ծավալած հակամարտությունը ցույց տվեց, որ դա չի աշխատում, որովհետև մենք չունենք ոչ մի պատժամիջոց, մենք չունենք հավաքական պատասխան նման մարտահրավերներին. դա մենք պետք է անենք ՀԱՊԿ շրջանակներում»,- ասաց Նազարբաևը ուրբաթ Բորովոյում՝ ԱՊՀ անդամ-պետությունների ղեկավարների մակարդակով կայացած բազմակողմանի ոչ պաշտոնական գագաթնաժողովին։
«ՀԱՊԿ-ն, իհարկե, Վարշավյան պայմանագիրը չէ, որը պաշտպանական կազմակերպություն էր, բայցևայնպես ՀԱՊԿ-ն պետք է ինչ-որ զինված ուժեր ունենա, ինչ-որ միավորում, որը կպատասխաներ մարտահրավերներին»,- ընդգծեց Ղազախստանի նախագահը։
ՀԱՊԿ կազմի մեջ են մտնում Ռուսաստանը, Հայաստանը, Բելառուսը, Ղազախստանը, Ղրղզստանը, Տաջիկստանը և Ուզբեկստանը։ -0-
