Մեդվեդևի և Օբամայի հանդիպումը տեղի կունենա հունվարի 20-ից հետո. Լավրով

ՌԴ նախագահ Դմիտրի Մեդվեդևը կհանդիպի Բարաք Օբամայի հետ՝ վերջինիս կողմից ԱՄՆ նախագահի պաշտոնը ստանձնելուց հետո, որը տեղի կունենա հունվարի 20-ին, տեղեկացրել է ՌԴ ԱԳ նախարար Սերգեյ Լավրովը Մոսկվայում ամերիկացի հանրապետական-սենատոր Ռիչարդ Լուգարի հետ հանդիպման ժամանակ։

«Նոյեմբերի ութին ԱՄՆ ընտրված նախագահ Բարաք Օբամայի հետ հեռախոսային զրույցի ժամանակ նախագահ Մեդվեդևը պայմանավորվել է աշխատել պրագմատիզմի հիման վրա, և նրանք համաձայնել են նախագահ Օբամայի երդման արարողությունից հետո նախապատրաստել բարձր մակարդակի հանդիպում», - ասել է Լավրովը։

ՌԴ ԱԳ նախարարի խոսքերով, Մոսկվան պատրաստ է անկեղծ, գործընկերական կերպով քննարկել այն հարցերը, որոնց շուրջ Ռուսաստանի և ԱՄՆ-ի դիրքորոշումները տարբերվում են։

Նա նաև նշել է, որ ռուսական կողմը դիտարկում է Լուգարի այցը Մոսկվա՝ որպես ռուս-ամերիկյան հարաբերություններում հետևողական գործոն։-0-