ԵԱԶԲ խորհուրդը հավանության է արժանացրել Տաջիկստանի, Բելառուսի և Հայաստանի մուտքը բանկի մասնակիցների կազմ
Եվրասիական զարգացման բանկի խորհուրդը հավանության է արժանացրել Տաջիկստանի, Բելառուսի և Հայաստանի մուտքը բանկի մասնակիցների կազմ՝ դիտարկելով այս երկրների համապատասխան դիմումները, ասվում է ԵԱԶԲ հաղորդագրության մեջ։
«Հիմնադրման փաստաթղթերի համապատասխան, ԵԱԶԲ-ն բաց է շահագրգիռ պետությունների և միջազգային կազմակերպությունների համար, որոնք ուզում են անդամագրվել և որոնք բանկի խորհրդի որոշման հիման վրա դառնում են դրա մասնակիցներ՝ ԵԱԶԲ հիմնադրման մասին համաձայնագրին միանալուց և բանկի՝ ձեռք բերած բաժնետոմսերի համա վճարելուց հետո»,- նշվում է հաղորդագրության մեջ, հաղորդում է «ՌԻԱ Նովոստին»:
Նոր երկրներ ընդունելու ընթացակարգի համաձայն, խորհուրդը հավանություն է տվել բանկի բաժնետոմսերի լրացուցիչ թողարկման միջոցով ԵԱԶԲ-ի կանոնադրային կապիտալի մեծացմանը, որը կբաշխվի նոր մասնակիցների միջև՝ նանց մուծումներին համապատասխան։
Ներկայումս ԵԱԶԲ-ի կանոնադրային կապիտալը՝ լիովին վճարված բանկի հիմնադիրներ ՌԴ-ի և Ղազախստանի Հանրապետության կողմից, 1,5 մլրդ դոլար է կազմում։ Լրացուցիչ դրամական թողարկումների գնման արդյունքում նա կավելանա 15,6 մլն դոլարով՝ երեք նոր մասնակիցների մուծումների հաշվին։
ԵԱԶԲ-ի կառավարման նախագահ Իգոր Ֆինոգենովն ընդգծեց, որ բանկի համար դրա մասնակիցների կազմի ընդլայնումը չափազանց կարևոր է, քանի որ «դա թույլ կտա ընդլայնել ԵԱԶԲ ներդրման նախագծերի աշխարհագրությունը, ինչը համապատասխանում է ԵԱԶԲ ռազմավարական խնդիրներին ու առաքելությանը»։--0--
