Մոսկվայի իշխանությունները ձայնային գրքերի միջոցով երիտասարդության մեջ ընթերցանության հանդեպ սեր են ներարկելու

ԵՐԵՎԱՆ, 5 օգոստոսի. /Նովոստի-Արմենիա/.  Մոսկվայի կառավարությունը երեքշաբթի քաղաքային նպատակային ծրագիր ընդունեց 2009-2011 թթ.-ին հեռահաղորդակցության և ԶԼՄ-ների զարգացման մասին, որը ենթադրում է քաղաքում էլեկտրոնային կրողներով գրքերի տարածում, որոնք երիտասարդությանն մոտ ավելի շատ կարդալու ցանկություն են առաջացնելու:  

«Այսօր երիտասարդությունը սկսել է ավելի քիչ կարդալ: Որպես ընթերցանության հրավեր պետք է զարգացնել այնպիսի հետաքրքիր ձև, ինչպիսին են ձայնային ստեղծագործությունները»,- ասել է Մոսկվայի քաղաքապետ Յուրի Լուժկովը, հաղորդում է ՌԻԱ Նովոստին:  

Նա նշեց, որ այս կրողները հարմար են գործածության մեջ և թեթև՝ ձեռքում պահելու համար: Նոր ծրագրի շրջանակներում քաղաքային իշխանությունները նաև մտադիր են շարունակել Մոսկվայի կինոթատրոնների վերականգնման աշխատանքները: 

«Մոսկվայի կինոֆիկացման խոր ճգնաժամային ժամանակաշրջանն անցել է: Բայց այն դեռ չի ավարտվել: Մենք մեր քաղաքը կինո գնալու, սրահներ ու ֆիլմեր ընտրելու հնարավորություններով ծածկելու այն ամբողջությունը չունենք,- ասել է Մոսկվայի քաղաքապետը: Նրա խոսքերով, կինոֆիկացման խնդիրը պետք է առանձնակի խորությամբ դիտել: --0—