Մոսկվան կրկին հաստատել է օտարերկրացիների համար աշխարհի ամենաթանկարժեք քաղաքի տիտղոսը. Mercer

Mercer գործակալության տարբերակով Մոսկվան կրկին գլխավորում է օտարերկրացիների համար աշխարհի ամենաթանկարժեք մայրաքաղաքների ցանկը։ Հինգշաբթի գործակալությունը հրապարակել է իր ամենամյա վարկանիշը։

Արդեն երրորդ տարին շարունակ Մոսկվան պահպանում է այդ տիտղոսը, ընդ որում, Մոսկվայում օտարերկրյա մասնագետի բնակության ցուցանիշը մեկ տարվա ընթացքում աճել է 6 տոկոսով։

Mercer's Cost of Living վարկանիշը նախատեսված է ընկերությունների և կազմակերպությունների համար, որոնք պատրաստվում են իրենց աշխատակիցներին ուղարկել արտասահման։

Բնակության արժեքի գնահատումն իրականացվում է 200 չափանիշներով, ինչպիսին են վարձավճարը, տրանսպորտը, սնունդը, հագուստը, զվարճանքները։ Ռուսաստանի մայրաքաղաքում կյանքի թանկացման գլխավոր գործոնը Mercer-ի փորձագետներն անվանել են վարձավճարի աճն ու ռուբլու կայունացումը։ Ամենաթանկարժեք մայրաքաղաքների ցանկում Մոսկվային հետևում է  Տոկիոն, Լոնդոնը, Օսլոն և Սեուլը։

Մոսկվայի ցուցանիշը կազմել է 142,4 կետ՝ միջինը 25 կետով առաջ անցնելով երկրորդ և երրորդ տեղերից։ Հատկանշական է, որ այս վարկանիշում 100 տոկոսին համարժեք կամ «գների էտալոն» է համարվում կենսամակարդակը Նյու-Յորքում։

Ինչպես պարզվել է, օտարերկրացիների համար այստեղ ապրելն ավելի շահավետ է, քան Սանկտ-Պետերբուրգում, Պեկինում կամ Թել-Ավիվում։ Իսկ Լոս-Անջելեսում բնակվելու բյուջեն շատ ավելի քիչ է, քան Նիգերիայի մայրաքաղաք Լագոսում, Ալմա Աթայում կամ Զագրեբում։

Mercer's-ի փորձագետները այս փոփոխությունը բացատրում են համաշխարհային շատ արժույթների համեմատ դոլարի թուլացմամբ։

Forbes ամսագիրը, մեկնաբանելով հայտնի վարկանիշի արդյունքները, հիշեցրել է, որ Մոսկվան «միլիարդատերերի քաղաք է», որոնք թեժացնում են պահանջարկը պերճաշուք իրերի, անշարժ գույքի և բարձր որակի ծառայությունների շուկայում։

«Ռուսաստանի մայրաքաղաքում գների իջեցման մասին ակնարկ անգամ չի արվում։ Մոսկվան 74 միլիարդատերերի բնակավայր է, որոնցից 13-ը մինչև 40 տարեկան են, ինչը ավելին է, քանի աշխարհի որևէ այլ քաղաքում», - նշել է հրատարակությունն իր վեբ-կայքում։-0-