Մոսկվայում հայերի մասնակցությամբ զանգվածային ծեծկռտուք է տեղի ունեցել՝ կենցաղային հողի վրա. ՆԳԲ

ԵՐԵՎԱՆ, 3 հունիսի./Նովոստի-Արմենիա/. Մոսկվայի հարավ-արևելքում զանգվածային ծեծկռտուք է տեղի ունեցել նախօրեին երեկոյան, որի արդյունքում տուժել է հինգ մարդ։ Ինչպես «ՌԻԱ Նովոստիին» հաղորդել է մայրաքաղաքի վարչական տարածքի ՆԳԲ ներկայացուցիչը, որի տարածքում արձանագրվել է պատահարը, ծեծկռտուքը կենցաղային հողի վրա է եղել։

Նրա խոսքով, նախօրեին, ժամը 22.11-ի սահմաններում, Ստավրոպոլի փողոցի թիվ 20 շենքին հարակից 919-րդ միջնակարգ դպրոցի ֆուտբոլի դաշտում ծեծկռտուք է տեղի ունեցել, որին մասնակցել են 16-24 տարեկան սլավոնական և հայ ազգությունների երիտասարդներ։ Ծեծկռտուքի մասնակիցները կիրառել են բեյսբոլի մականներ և վնաս հասցնող զենքեր, ասաց գործակալության զրուցակիցը։

«Ինչպես պարզել են ոստիկանության աշխատակիցները, պատահարը կենցաղային հողի վրա է բռնկվել, որի պատճառ է հանդիսացել թիմերի երկրպագուների միջև վեճը, այլ ոչ թե միջէթնիկական հարաբերությունները։ Ամենայն հավանականությամբ, քրեական գործը հարուցվելու ՌԴ ՔՕ 213-րդ հոդվածով (խուլիգանություն)»,- ասաց ՆԳՎ ներկայացուցիչը։

Նա նաև նշեց, որ դեպքի վայր ժամանած ոստիկանության ԱԻ աշխատակիցները ձերբակալել են տասը մարդու, առգրավել են բեյսբոլի մականները և վնաս հասցնող զենքերը։ Ձերբակալվածների հետ ներկայումս աշխատում են «Լյուբլինո» ՆԳԲ քննիչները, ուր տարվել էին ձերբակալված երիտասարդները, ավելացրեց գործակալության զրուցակիցը։

Նա նաև հստակեցրեց, որ ականատեսների խոսքով, ծեծկռտուքին մասնակցել է մոտավորապես 25-30 մարդ։ Պատահարը տևել է երեք րոպե, իսկ ոստիկանության աշխատակիցների ժամանելուն պես մասնակիցները ցրվել են։

«Ծեծկռտուքից հետո բժշկական հաստատություններ է դիմել պատահարի հինգ մասնակից, նրանցից մեկը հիվանդանոց է տեղափոխվել»,- ասաց գործակալության զրուցակիցը։--0—