Թբիլիսիում չեն մեկնաբանում ՄԱԿ-ում Վրաստանի դեսպանի ուղևորությունը Սուխումի

ԵՐԵՎԱՆ, 13 մայիսի./Նովոստի-Արմենիա/. Թբիլիսիում կարծում են, որ ՄԱԿ-ում Վրաստանի դեսպան Իրակլի Ալասանիան Սուխումի կատարած մեկօրյա այցի ընթացքում քննարկել է Վրաստանի նախագահ Միխայիլ Սահակաշվիլու առաջարկած վրաց-աբխազական հակամարտության խաղաղ կարգավորման առաջարկությունները, բայց Վրաստանի մայրաքաղաքում Ալասանիայի Սուխումի կատարած այցի նպատակների մասին պաշտոնական մեկնաբանություններ չեն անում, հաղորդում է «ՌԻԱ Նովոստին»։

«Վրաստանի հանրապետությունը աբխազ ժողովրդի ինքնության և մշակույթի պահպանության լավագույն երաշխավորն է։ Մենք պատարստ ենք ցանակցած պահի ձեռք մեկնել աբխազներին և քննարկել այն խաղաղ նախաձեռնությունները, որոնք առաջարկել է նախագահ Սահակաշվիլին»,- ասաց լրագրողներին Վրաստանի նախկին ԱԳ նախարար Դավիթ Բակրաձեն՝ անցյալ երկուշաբթի մեկնաբանելով Ալասանիայի այցը Սուխումի։

Վրաստանի նախկին ԱԳ նախարարը կարծում է, որ Ալասանիայի այցը Սուխումի աբխազ ժողովրդի հետ անմիջական երկխոսություն սկսելու նպատակին է ծառայում։--0—