ՀԱՊԿ գլխավոր քարտուղարը Մինսկում կքննարկի Հավաքական անվտանգության խորհրդի նստաշրջանի նախապատրաստման հարցերը

ՀԱՊԿ գլխավոր քարտուղար Նիկոլայ Բորդյուժան մայիսի 13-14-ը Մինսկ կատարած աշխատանքային այցի ընթացքում ծրագրում է բելառուս գործընկերներ հետ քննարկել պետությունների ղեկավարների մակարդակում Հավաքական անվտանգության խորհրդի (ՀԱԽ) հերթական նստաշրջանին առնչվող հարցերը, «ՌԻԱ Նովոստիին» են տեղեկացրել Բելառուսի ԱԳՆ-ի մամուլի ծառայությունից։

Բացի դրանից, հանդիպումների օրակարգում ներառված է ՀԱԽ-ում ավելի վաղ ընդունված որոշումների իրականացմանն առնչվող հարցերի քննարկումը, այդ թվում նաև ապօրինի միգրացիայի և արտակարգ իրավիճակների, ՀԱՊԿ-ում ստորագրված միջազգային պայմանագրերի վավերացման նպատակով ստեղծված համակարգող խորհուրդների շրջանակներում աշխատանքների կարգավորումը։

Բորդյուժայի այցի ընթացքում ծրագրված են նրա հանդիպումները Բելառուսի անվտանգության խորհրդի պետքարտուղարի, Ազգային ժողովի ներկայացուցիչների պալատի նախագահի, արտգործանախարարի, պաշտպանության, ներքին գործերի, արտակարգ դրության նախարարների հետ։

Նաև մտքերի փոխանակում տեղի կունենա միջազգային հրատապ խնդիրների վերաբերյալ, տեղեկացրել են Բելառուսի արտգործնախարարությունից։ ՀԱՊԿ-ի կազմում են Հայաստանը, Բելառուսը, Ղազախստանը, Ղրղստանը, Ռուսաստանը, Տաջիկստանն ու Ուզբեկստանը։-0-