«ՌԻԱ Նովոստին» ռուսական ԶԼՄ-ներից առաջինն է, ով իրավունք է ստացել տեղեկատվություն վաճառել Չինաստանում. գլխավոր խմբագիր
«ՌԻԱ Նովոստին» ռուսական ԶԼՄ-ներից առաջինն է, ով չինացի բաժանորդներին ժապավենների ուղղակի վաճառքի իրավունք է ստացել։ Այս մասին ուրբաթ Մոսկվայում հայտարարել է գործակալության գլխավոր խմբագիր Սվետլանա Միրոնյուկը։
ՉԺՀ-ի հաճախորդներին տրամադրվելու է տնտեսական տեղեկատվության ժապավեն չինարեն լեզվով։ «Սա առաջին ռուսական տեղեկատվական ապրանքն է, որը թույլ են տվել վաճառել Չինաստանում», - ընդգծել է Միրոնյուկը։
Նա նշել է, որ «ՌԻԱ Նովոստին»՝ ռուսական միակ ԶԼՄ-ն է, ով առաջ է տանում իր տեղեկատվական ապրանքները Չինաստանի շուկայում՝ տեղական օրենսդրության համապատասխան։
Գլխավոր խմբագրի խոսքերով, Չինաստանի օրենսդրության առանձնահատկությունների և ներքին բարձր մրցակցության պատճառով ««օրենքով» Չինաստանում աշխատելը բարդ է, սակայն հնարավոր է»։ «Այդ պատճառով մենք անհապաղ արձագանքեցինք տեղեկատվական նյութերի վաճառքի շուկա դուրս գալու՝ ՉԺՀ-ի իշխանությունների կողմից ներկայացված հնարավորությանը», - եզրափակել է նա։
2007 թ.-ին «ՌԻԱ Նովոստին» հատուկ թույլտվություն է ստացել տեղեկատվություն տարածել Չինաստանի տարածքում։ Տեղական օրենսդրության համաձայն՝ ապրիլի 10-ին «ՌԻԱ Նովոստին» ստորագրել է իր առաջին համաձայնությունը լիազոր գործակալ՝ Տնտեսական տեղեկատվության չինական գործակալության հետ, և այժմ կարող է ուղղակի կերպով աշխատել Չինաստանի հաճախորդների հետ։-0-
