Ջորջ Բուշը կմասնակցի ապրիլի 4-ին Բուխարեստում կայանալիք Ռուսաստան-ՆԱՏՕ խորհրդի աշխատանքին, Սպիտակ տանը լրագրողներին հայտնեց ԱՄՆ նախագահի ազգային անվտանգության գծով խորհրդական Սթիվեն Հեդլին։
Նրա խոսքերով, Ռուսաստան-ՆԱՏՕ խորհդի, ինչպես նաև ՆԱՏՕ-Ուկրաինա հանձնաժողովի նիստերը կանցկացվեն երկրների ղեկավարների մակարդակով, որոնք մասնակցում են Ռումինիայի մայրաքաղաքում անցկացվող ՆԱՏՕ-ի գագաթնաժողովի աշխատանքներին։
«Ուրբաթ՝ ապրիլի 4-ին, գագաթնաժողովի ժամանակ նախագահ Բուշը կմասնակցի ՆԱՏՕ-Ուկրաինա հանձնաժողովի աշխատանքին, որից հետո կկայանա Ռուսաստան-ՆԱՏՕ խորհրդի նիստը»,-ասաց Հեդլին՝ հիշեցնելով նաև, որ Վլադիմիր Պուտինը հրավիրված է Բուխարեստում ՆԱՏՕ-ի երկրի ղեկավարների գագաթնաժողովին և համաձայնություն է տվել մասնակցել դրա աշախատանքներին։-0-
