Ռուսաստանը վերականգնում է Վրաստանի հետ օդային հաղորդակցությունը

Ռուսաստանը երեքշաբթի վերականգնում է օդային հաղորդակցությունը Վրաստանի հետ. որն ընդհատվել էր 2006թ. աշնանը՝ օդագնացության ծառայությանը վրացական կողմի ունեցած պարտքի պատճառով, հաղորդում է «ՌԻԱ-Նովոստին»։

Ռուսաստանից դեպի Վրաստան փոխադրող են նշանակվել «Աէրոֆլոտ-ռուսական ավիուղիներ» և S7 Airlines՝ նախկին «Սիբիր», ընկերությունները։ Երկու երկրները միմյանց կկապի նաև վրացական «Այրզենա-վրացական ավիուղիներ» ընկերությունը, որը դեպի Մոսկվա առաջին չվերթը կիրականացնի երեքշաբթի։

«Աերոֆլոտ» ընկերության Տու-154 ինքնաթիռները Մոսկվայից Թբիլիսի կմեկնեն ամեն օր, բացի կիրակիից, Վրաստանի մայրաքաղաքից Մոսկվա՝ ամեն օր, բացի երկուշաբթիից։ Ծրագրի համապատասխան, սեպտեմբերի 22-ից «Աէրոֆլոտի» չվերթերը Մոսկվա-Թբիլիսի-Մոսկվա ուղղությամբ կիրականացվեն А320 ինքնաթիռներով։ Դեպի մեկ կողմ թռիչքը էկոնոմ-կլասով կարժենա մոտ 165 եվրո, թռիչքը հետդարձով՝ մոտ 265 եվրո։

S7 ընկերության ինքնաթիռները Թբիլիսի կմեկնեն շաբաթը երեք անգամ, Քութայիսի՝ շաբաթը երկու անգամ, իսկ Բաթումի, ուր S7-ը կսկսի մեկնել այս տարվա ամռանից՝ շաբաթը մեկ անգամ։ Դեպի Վրաստանի երեք քաղաքաներից ցանկացածը S7-ի մեկ կողմի չվերթի տոմսի արժեքը կազմում է 152 եվրո, իսկ չվերթը հետդարձով՝ սկսած 244 եվրոյից։-0-