ԵՐԵՎԱՆ, 19 մարտի. /Նովոստի-Արմենիա/. Պրահայում տեղի ունեցած MINDS International մուլտիմեդիայի միջազգային ասոցիացիայի ժողովի ժամանակ «ՌԻԱ Նովոստին» ընդունվել է ասոցիացիա՝ որպես գործընկեր Ռուսաստանից։
MINDS International ասոցիացիան հիմնադրվել է 2007 թ.-ին Եվրոպայի և Հյուսիսային Ամերիկայի երկրների տասնմեկ առաջատար տեղեկատվական գործակալությունների կողմից՝ MINDS (Բջջային, տեղեկատվաման և լրատվական ծառայություններ) նախագծի հիման վրա, որը 2004 թ.-ից ֆինանսավորում է ԵՄ-ն։ Բացի «ՌԻԱ Նովոստիից» ասոցիացիայի կազմում են Եվրոպայի տասներեք երկրների տեղեկատվական գործակալություններ (Ֆրանս Պրես, ԴՊԱ, ԷՖԷ և այլն) և ԱՄՆ-ի ու Կանադայի տեղեկատվական գործակալություններ, հաղորդում է «ՌԻԱ Նովոստին»։
««ՌԻԱ Նովոստիի» համար MINDS International մուտք գործելը նշանակում է համաշխարհային տեղեկատվական գործակալությունների առաջատար մշակումների նկատմամբ մուտքի իրավունք, իսկ դա թույլ կտա գործակալությանը կրճատել ԶԼՄ-ների և բջջային օպերատորների համար մուլտիմեդիայի տեղեկատվական նոր ծառայությունների ներմուծման ժամկետները», - ասել է «ՌԻԱ Նովոստիի» գլխավոր խմբագիր Սվետլանա Միրոնյուկը՝ համոզմունք հայտնելով նաև, որ «նման ծառայությունների մշակման և ներմուծման գործում «ՌԻԱ Նովոստիի» սեփական փորձը ևս օգտակար կլինի ասոցիացիայի այլ մասնակիցների համար, որոնցից շատերի հետ մեզ կապում են երկարատև հարաբերություններ»։
MINDS International ասոցիացիայի նպատակն է բարենպաստ պայմանների ստեղծումը՝ լրատվական տեղեկատվության մատակարարման և արտացոլման շարժական և մուլտիմեդիայի տեխնոլոգիաների զարգացման նպատակով։ Ասոցիացիայի շրջանակներում նրա անդամները հնարավորություն են ստանում օգտագործել միմյանց և կողմնակի մատակարարների մշակումները՝ սեփական կամ համատեղ շարժական և մուլտիմեդիայի ծառայությունների ձևավորման հետ մեկտեղ։
«Մենք ուրախ ենք տեսնել «ՌԻԱ Նովոստիին» որպես Ռուսաստանից մեր գործընկեր, քանի որ երևում է, որ այս գործակալությունն այստեղ առաջատարն է և զարգանում է», - ասել է MINDS International-ի գործադիր տնօրեն Վոլֆգանգ Նեդոմանսկին (Wolfgang Nedomansky)։ Նրա խոսքերով, Ռուսաստանում գործընկերոջ առկայությունը կամրապնդի MINDS International-ը՝ եվրոպական տարածաշրջանի մասշտաբներում և կնպաստի նրա հետագա ընդլայնմանը դեպի Արևելք։
MINDS International-ի միասնական ապրանքային ցանկը իր մեջ ներառում է տեղեկատվության վիզուալ գործիքներ, այդ թվում նաև եռաչափ անիմացիոն ինֆոգրաֆիկայի օգտագործում, ինչպես նաև ինտերակտիվ շարժական և ինտերնետ-ծառայությունների ստեղծում։ MINDS International-ի շտաբ-բնակարանը գտնվում է Վիեննայում, իսկ գրանցված է ասոցիացիան Գերմանիայում։-0-
