ԵՐԵՎԱՆ, 29 հունվարի./Նովոստի-Արմենիա/. Բոլոր չորս կուսակցությունները, որոնք աջակցում են ՌԴ առաջին փոխվարչապետ Դմիտրի Մեդվեդևի առաջադրմանը ՌԴ նախագահի պաշտոնում, համատեղ աշխատելու են նախընտրական քարոզարշավի ընթացքում, հաղորդեց «Եդինայա Ռոսիա» կուսակցության գլխավոր խորհրդի նախագահության քարտուղար Վյաչեսլավ Վոլոդինը։
«Մենք անպայման միասին ենք մասնակցելու նախընտրական քարոզարշավին, այժմ արդեն ընթացքի մեջ են նախապատրաստական աշխատանքներն այս ուղղությամբ»,- երեքշաբթի լրագրողներին ասաց Վոլոդինը, հաղորդում է «ՌԻԱ Նովոստին»։
Մեդվեդևի առաջադրման նախաձեռնությունը պատկանում է «Եդինայա Ռոսիա» (Միասնական Ռուսաստան), «Սպրավեդլիվայա Ռոսիա» (Արդար Ռուսաստան), «Ագրարնայա պարտիա» (Ագրարային կուսակցություն) և «Գրաժդանսկայա սիլա» (Քաղաքացիական ուժ) կուսակցություններին։ Նախագահական ընտրությունները տեղի կունենան մարտի 2-ին։
Վոլոդինը նաև հաղորդեց, որ Մեդվեդևի շրջանային ընտրական շտաբներն արդեն ձևավորված են, իսկ մոտակա օրերին կսկսեն աշխատանքը։
Նրա խոսքերով, «Սպրավեդլիվայա Ռոսիայի», «Գրաժդանսկայա սիլայի» և Ագարարային կուսակցության ներկայացուցիչները մեծապես ներգրավված կլինեն ընտրական շտաբների աշխատանքում, հատկապես այն շրջաններում, որտեղ այս կուսակցություններն ամուր դիրքեր ունեն։
Ինչ վերաբերում է թեկնածուի նախընտրական ծրագրին, ապա, Վոլոդինի խոսքերով, այն կհրապարակվի փետրվարի 2-ից հետո, երբ ԶԼՄ-ներում մեկնարկելու է քարոզչական շրջանը։ --0—
