Մոսկվայում ապօրինի միգրանտներին աշխատանքի տեղավորելու համար տուգանքը 2007թ. կազմել է 215 մլն. ռուբլի

ԵՐԵՎԱՆ, 15 հունվարի./Նովոստի-Արմենիա/. Ավելի քան 3,3 հազ. ֆիզիկական անձ և 350 կազմակերպություն ընդհանուր առմամբ 215 մլն. ռուբլու տուգանքի է ենթարկվել` 2007թ. Մոսկվայում ապօրինինի միգրանտներին աշխատանքի ընդունելու համար, լրագրողներին երեքշաբթի հայտնել է Մոսկվայի միջշրջանային  կապերի և ազգային քաղաքականության կոմիտեի ղեկավար Ալեքսեյ Ալեքսանդրովը։

«Ընդհանուր առմամբ ապօրինի միգրանտներին աշխատանքի մեջ ներգրավելու համար գործատուներն անցած տարի որպես տույժ վճարել են 215 մլն. ռուբլի»,-«ՌԻԱ-Նովոստիի» հաղորդմամբ՝ ասել է կոմիտեի ղեկավարը։

Նա հիշեցրեց, որ 2006թ. փոփոխվել է ՌԴ Վարչական պատասխանատվության օրենսդրությունը։ «Ապօրինի միգրանտին աշխատանքի տեղավորելու համար այժմ գործատուն պետք է վճարի տույժ՝ յուրաքանչյուր մարդու համար»,-նշեց Ալեքսանդրովը։ Նախկինում օրինախախտները պատասխանատվություն էին կրում միայն արտասահմանցիներին ապօրինի աշխատանքի տեղավորելու փաստի համար։--0--