Վրաստանի ԿԸՀ-ն հրավիրել է արտակարգ նիստ

ԵՐԵՎԱՆ, 8 հունվարի./Նովոստի-Արմենիա/.Վրաստանի ԿԸՀ-ն երեքշաբթի կանցկացնի փակ ձևաչափով արտակարգ նիստ, որի մանրամասների վերաբերյալ մամուլին ոչինչ չի հայտնվել, հաղորդում է «Նովոստի-Գռուզիա» գործակալությունը։

Ավարտին տեղի կունենա ԿԸՀ նախագահ Լևան Թարխնիշվիլիի մամուլի ասուլիսը, նշում է գործակալությունը։ Ներկայումս ԿԸՀ անդամները հավաքվում են նիստի։

Ինչպես լրագրողներին հայտնել է ԿԸՀ ժամանած իշխող «Միասնական ազգային շարժում» կուսակցության ներկայացուցիչ, պատգամավոր Գեորգի Ծերեթելին, «իրավիճակը պետք է կարգավորվի խաղաղ ճանապարհով»։

«Ոչ մի ձայն չպետք է կորչի»,-ասել է նա։

Ավելի վաղ Վրաստանի ԿԸՀ նախագահ Լևան Թարխնիշվիլին ԿԸՀ շենքում օրվա առաջին կեսին գտնված Միասնական ընդդիմության ներկայացուցիչներին հայտնել էր, որ եթե նրանք ունեն խախտումների մասին տեղեկություններ, ապա պետք է բողոքները ներկայացնեն ԿԸՀ հաստատված կարգով՝ գրավոր տեսքով։

«Այդ բողոքները կքննարկվեն»,-խոստացել է Թարխնիշվիլին։

Սակայն ընդդիմությունը դժգոհ է մնացել նման պատասխանից։ Երեքշաբթի 17.30-ին «Թբիլիսի Մէրիոթ» հյուրանոցում Միասնական ընդդիմությունը պատրաստվում է հրապարակել նախագահի թեկնածու Լևան Գեչեչիլաձեի նախընտրական շտաբի մոտ եղած տվյալները՝ ընտրախախտումների վերաբերյալ։–0--