Ազգային անհանդուրժողականության դեմ պայքարը պետք է ամրագրել սահմանդրության մեջ. Լուժկով

ԵՐԵՎԱՆ, 6 դեկտեմբերի./Նովոստի-Արմենիա/. Ազգերի և դավանանքների նկատմամբ անհանդուրժողականության դեմ պայքարն անհրաժեշտ է ամրագրել սահմանադրական մակարդակով, կարծում է Մոսկվայի քաղաքապետ Յուրի Լուժկովը։

«Ես դիմել եմ երկրի ղեկավարությանը, որպեսզի ազգային անհանդուրժողականության, օտարատյացության, շովինիզմի դեմ պայքարը լինի  սահմանադրական դրույթներով»,-հայտարարել է Լուժկովը՝ հինգշաբթի ելույթ ունենալով «Ռուսաստանի քաղաքները հանուն քաղաքացիական միասնության և միջազգային համաձայնության» համառուսաստանյան համաժողովում։

Մոսկվայի քաղաքապետը նշել է, որ օտարատյացությունն այսօր հատուկ երևույթ է մեծ քաղաքների կյանքում, հաղորդում է «ՌԻԱ-Նովոստին»։ Ընդ որում, նրա տեղեկությունների համաձայն, մայրաքաղաքում այսօր բավականին խաղաղ կերպով գոյակցում են 169 համայնքներ և շուրջ 50 տարբեր դավանանքներ։

«Պետությունը պետք է ապահովի ազդեցությունը ոչ միայն դաստիարակության, դպրոցում մեթոդաբանության տեսակետից, պետությունը պետք է կարողանա նաև պաշտպանել միջազգային համաձայնությունը և միջդավանանքային խաղաղությունը»,-ասել է Մոսկվայի քաղաքապետը։ –0—