ՌԴ նախագահը Պուրտուգալիայի ղեկավարության հետ քննարկելու է ՀՀՊ, ԵՍԶՈՒՊ հիմնախնդիրները, Իրանի միջուկային ծրագիրը
ԵՐԵՎԱՆ, 24 հոկտեմբերի./Նովոստի-Արմենիա/. ՌԴ նախագահ Վլադիմիր Պուտինը Պուրտուգալիայի ղեկավարության հետ քննարկելու է ՀՀՊ (Հակահրթիռային պաշտպանություն), ԵՍԶՈՒՊ (Եվրոպայի սովորական զինված ուժերի պայմանագիր) հիմնախնդիրները, Իրանի միջուկային ծրագիրը, ինչպես նաև առևտրատնտեսական և ներդրումային համագործակցության հարցերը, հաղորդել է Կրեմլի աղբյուրը։
«Բարձր մակարդակի բանակցությունների շրջանակներում առարկայորեն քննարկման են ենթարկվելու երկկողմանի հարաբերությունների ներկայիս վիճակը և դրանց զարգացման հեռանկարները։ Ինչպես սպասվում է, հատուկ ուշադրության կարժանանան առևտրատնտեսական և ներդրումային համագործակցության զարգացման հնարավորությունները»,- «ՌԻԱ Նովոստիին» հաղորդել է աղբյուրը՝ հոկտեմբերի 25-26-ը պետության ղեկավարի Պորտուգալիա այցի նախաշեմին։
«Բանակցությունների ընթացքում նախատեսվում է կարծիքների փոխանակում եվրոպական և միջազգային օրակարգի հարցերի շուրջ՝ ՀՀՊ, ԵՍԶՈՒՊ, Կոսովոյի, Իրանի միջուկային ծրագրի հիմնախնդիրների վերաբերյալ»,- նշել է գործակալության զրուցակիցը։ --0—
