Ռուսաստանցիները Պուտինին անվանել են վերջին 15 տարիների Ռուսաստանի լավագույն վարչապետ

ԵՐԵՎԱՆ, 28 սեպտեմբերի./Նովոստի-Արմենիա/. Ռուսաստանցիները երկրի գործող նախագահ Վլադիմիր Պուտինին համարում են վերջին 15 տարիների կառավարության լավագույն ղեկավար, ինչի մասին են վկայում Հանրային կարծիքի ուսումնասիրման համառուսաստանյան կենտրոնի (ՀԿՈւՀԿ) անցկարցրած վիճակագրական հարցման տվյալները։ Այդ պաշտոնը նա զբաղեցրել է 1999-ի օգոստոսից, մինչև 2000-ի մայիսը։

Ուսումնասիրության արդյունքներով, «ՌԻԱ-Նովոստիի» հաղորդմամբ երկրի ժամանակակից պատմության լավագույն վարչապետ Պուտինին անվանել է ռուսաստանցիների 34%-ը։

Այդ սանդղակում երկրորդ տեղը կիսում են Եվգենի Պրիմակովը և Միխայիլ Ֆրադկովը. նրանց օգտին իրենց ձայնն է տվել հարցվողների 10%-ը։

Միխայիլ Կասյանովը ստացել է 2%, Սերգեյ Ստեպաշինը, Վիկտոր Չերնոմիրդինը և Սերգեյ Կիրենկոն՝ մեկական տոկոս։

Ուսումնասիրության տվյալներով հարցվողների 16%-ը կարծում է, որ վերջին 15 տարում Ռուսաստանում չի եղել կառավարության ոչ մի լավ ղեկավար։

Պատասխանելով 2008-ի մարտին ՌԴ նախագահի ընտրությունների մասին հարցերին՝ հարցվածների գրեթե կեսը (44%) դժվարացել են անվանել երկրի նախագահի արժանի թեկնածուին։

Հարցման մասնակիցների 28-30%-ը պաշտպանում են կառավարության առաջին երկու փոխվարչապետներին՝ Սերգեյ Իվանովին և Դմիտրի Մեդվեդևին։ Երրորդ տեղը զբաղեցնում է Սերգեյ Շոյգուն (10%)։

Վիկտոր Զուբկովին նախագահի պաշտոնին արժանի է համարում հարցվածների 6%-ը։ Առաջատար չորս քաղաքական կուսակցությունների առաջնորդներ Վլադիմիր Ժիրինովսկին, Գենադի Զյուգանովը, Սերգեյ Միրոնովը և Բորիս Գրիզլովը հավաքել են 3-4%։

Սեպտեմբերի 22-23-ն ՀԿՈւՀԿ-ի անցկացրած համառուսական հարցմանը մասնակցել է Ռուսաստանի մարզերի և հանրապետությունների 46 շրջանների 153 բնակավայրերի 1,6 հազ. բնակիչ։ Վիճակագրական անճշտությունը չի գերազանցում 3,4-ը։ –0—