Հանգստյան օրերին Մոսկվայում տեղի կունենա հայ արտադրողների ապրանքների տոնավաճառ

ԵՐԵՎԱՆ, 7 սեպտեմբերի./Նովոստի-Արմենիա/. Հանգստյան օրերին` սեպտեմբերի 8-ին և 9-ին, Մոսկվայի Հեղափոխության հրապարակում տեղի կունենա հայ արտադրողների ապրանքների «Ոսկե նուռ» տոնավաճառը, «ՌԻԱ Նովոստիին» հայտնեցին քաղաքային վարչությունից:

«Հայ արտադրողները մոսկվացիներին և մայրաքաղաքի հյուրերին կներկայացնեն արդյունաբերական ապրանքներ և սննդամթերքներ, ոսկերչական իրեր, հուշանվերներ, ազգային և գեղարվեստական արհեստների և արվեստի գործեր»,- ասաց գործակալության զրուցակիցը:

Ըստ ավանդության հայ արտադրողները տոնավաճառի այցելուներին կառաջարկեն հայկական ազգային խոհանոցի ուտեստներ, որոնք կարող են համտեսել բոլոր ցանկացողները:

Տոնավաճառի այցելուներին սպասվում է նաև հետաքրքիր մշակութա-ժամանցային ծրագիր` հայ և ռուս էստրադային կատարողների, մանկական և մեծհասակների ժողովրդական երգի համույթների, պարային և գործիքային խմբերի ելույթները:

Տոնավաճառի նախապատարստական աշխատանքների և այն իրականացնելու ֆինանսավորումը հիմնականում կատարելու է մայրաքաղաքի Կենտրոնական վարչական օկրուգի վարչակազմը:--0—