Սանկտ-Պետերբուրգի հասարակությունը կնշի առաջին քաղաքապետ Անատոլի Սոբչակի 70-ամյակը, տեղեկացնում է «ՌԻԱ Նովոստին»՝ հղում անելով քաղաքային վարչության մամուլի ծառայությանը։
Ալեքսանդր Նևսկի մայրավանքի Նիկոլսկի գերեզմանատանը գտնվող Սոբչակի գերեզմանի մոտ կհավաքվեն Պետերբուրգի առաջին քաղաքապետի հարազատներն ու մտերիմները, ծաղկեսպակներ կդնեն և հոգեհանգստի արարողություն կանցկացնեն, ասվում է տեղեկատվության մեջ։
Այնուհետև Վասիլյևյան կղզում գտնվող Սոբչակի հուշարձանի մոտ տեղի կունենա սգո հանրահավաք։
Մեկ տարի առաջ բացված հուշարձանը գտնվում է Վասիլյևյան կղզու 26-րդ և 27-րդ փողոցների և Մեծ պողոտայի անկյունում՝ Սանկտ-Պետերբուրգի Պետական համալսարանի իրավաբանական ֆակուլտետի շենքից ոչ հեռու, որի պրոֆեսոր էր Սոբչակը։
Սպասվում է, որ երկու միջոցառումներին էլ կմասնակցի Պետերբուրգի գուբերնատոր Վալենտինա Մատվիենկոն։
Անատոլի Սոբչակը քաղաքապետ ընտրվեց 1991 թ. հունիսի 12-ին՝ առաջին համազգային ընտրությունների արդյունքներով։ Հենց Սոբչակի օրոք՝ 1991 թ. սեպտեմբերի 8-ին, Լենինգրադը ետ բերեց իր պատմական անունը՝ Սանկտ-Պետերբուրգ։
Սոբչակը վաղաժամ մահացավ 2000 թ. փետրվարի 20-ի գիշերը՝ Կալինինգրադ երկրամասի Սվետլոգորսկ քաղաքում։-0-
