12-րդ ռուսական ռազմական բազայի զինամթերքով և ռազմական տեխնիկայով երկաթուղային շարասյունը կմեկնի Բաթումիից օգոստոսի 2-ին, չորեքշաբթի«ՌԻԱ Նովոստիին» տեղեկացրել է Ցամաքային զորքերի տեղեկատվական հարցերով գլխավոր հրամանատարի օգնական Իգոր Կոնաշենկովը։
«13 հենահարթակից և վագոններից բաղկացած շարասյան վրա զինծառայողները կբեռնեն երկու տանկ, երկու զրահավոր փոխադրիչներ և զրահատանկային ունեցվածքը», - ասել է Կոնաշենկովը։ Դուրս հանվող բեռի քաշը մոտավորապես 500 տոննա է, պարզաբանել է նա։
12-րդ բազայի ունեցվածքով 15-րդ երկաթուղային շարասյունը կմեկնի Բաթումիից օգոստոսի առաջին կեսին, ավելացրել է գնդապետը։
Մինչև 2007 թ.-ի վերջը Վրաստանից դեպի Ռուսաստան և Հայաստանի Գյումրի քաղաքի ռուսական 102-րդ ռազմական բազա կտեղափոխվեն ևս հինգ երկաթուղային համակարգ և մեկ ավտոմեքենայի շարասյուն։
Ըստ Ռուսաստանի և Վրաստանի միջև համաձայնության՝ ռուսական 12-րդ ռազմական բազան կփակվի 2008 թ.-ին։--0—
