ԵՐԵՎԱՆ, 22 նոյեմբերի. /Նովոստի–Արմենիա/. Հայաստանի նախկին նախագահ Սերժ Սարգսյանի զարմիկ Նարեկ Սարգսյանը վաղ թե ուշ կբռնվի, հինգշաբթի լրագրողներին ասաց ոստիկանապետ Վալերի Օսիպյանը։
Հայաստանի նախկին նախագահի զարմիկի նկատմամբ միջազգային հետախուզման է հայտարարված։ Նա մեղադրվում է Հայաստանի ՔՕ 131–րդ հոդվածի 2 մասի 1, 2, 7–րդ կետերով (Մարդ առևանգելը, որն իրականացվել է մի խումբ մարդկանց կողմից նախնական պայմանավորվածությամբ, կյանքի կամ առողջության համար բռնության կամ դրա սպառնալիքի կիրառմամբ և շահադիտական նպատակներով), ինչպես նաև 178–րդ հոդվածի 3–րդ մասի 1 կետով (Առանձնապես խոշոր չափերի խարդախություն)։
«Կան հանգամանքներ, որոնք ես չեմ կարող մեկնաբանել, բայց իրականացվում են համապատասխան միջոցառումներ, այդ թվում` Ինտերպոլի անդամ երկրների հետ։ Մենք հույս ունենք, որ դրանք դրական արդյունք կտան»,– ասաց Օսիպյանը։
Նա միաժամանակ հրաժարվեց պատասխանել այն հարցին, թե արդյո՞ք գիտի Նարեկ Սարգսյանի գտնվելու վայրը։
Загружается новость ...
"Право"
Ավելի վաղ Օսիպյանն ասել է, որ նա կարող էր լքել Հայաստանի տարածքը միջազգային հետախուզման հայտարարվելուց մեկ–երկու օր առաջ։
Հուլիսի 4–ին խուզարկություն է իրականացվել Նարեկ Սարգսյանի հաշվառման վայրից, որտեղ հայտնաբերվել են նրա կողմից առևանգված կտավները, ինչպես նաև 155 հազար դոլար, 27 հազար եվրո, թանկարժեք ժամացույցներ, բազմաթիվ ոսկե դրամներ և զարդեղեն, որոնց ձեռքբերման օրինականությունը կստուգվի քրեական գործի շրջանակում։ Կատարվել է նաև Նարեկ Սարգսյանին պատկանող տարածքների և մեքենաների խուզարկություն։ Դրանցից մեկի երկաթե անկիզելի պահարանում հայտնաբերվել է թմրանյութ հիշեցնող զանգված։ -0-