«Սասնա ծռեր» խմբի մի քանի անդամներ կարող են առաջիկայում ազատ արձակվել. թերթ

ԵՐԵՎԱՆ, 17 օգոստոսի. /Նովոստի–Արմենիա/. Հուլիսի 17-31–ը Երևանում ՊՊԾ գունդը գրաված «Սասնա ծռեր» խմբավորման անդամներից 4–ն առաջիկայում ազատ կարձակվի, գրում է «Ժողովուրդ» թերթը` հղում անելով սեփական աղբյուրների։

Ենթադրվում Է, որ նրանց նկատմամբ կփոխվի խափանման միջոցը՝ երկամսյա կալանքը։

Պարբերականի հաղորդմամբ, ըստ նույն լուրերի, դրանք այն անդամներն են, որոնք իրավապահներին ասել են, թե չեն իմացել՝ ուր են գնում և ինչ են անելու ու բանից անտեղյակ հայտնվել են ՀՀ ոստիկանության պարեկապահակային ծառայության գնդի տարածքում։

«Չի բացառվում նաև, որ նրանք օժանդակել են իրավապահներին՝ տեղի ունեցածի մասին ցուցմունք տալով, ներկայացնելով խմբավորման անդամներից յուրաքանչյուրի գործողությունները և դերակատարությունը»,– նշվում է գրառման մեջ։ -0-