ԵՐԵՎԱՆ, 23 մայիսի. /Նովոստի–Արմենիա/. 200 մլն դոլարի վարկային համաձայնագրի շրջանակում նախատեսված ռուսական զենքի մի մասը շուտով կհասնի Հայաստան, երկուշաբթի լրագրողներին ասաց Հայաստանի պաշտպանության նախարար Սեյրան Օհանյանը։
Ռուսական արտադրության ռազմական նշանակության արտադրանքի մատակարարումների ֆինանսավորման նպատակով Հայաստանի և ՌԴ կառավարությունները Երևանին տասը տարի ժամկետով և մինչև 2018 թվականի սկիզբը վճարումների տարկետմամբ 200 մլն դոլարի արտահանողական պետական վարկի տրամադրման հանաձայնագիր են ստորագրել։
«Մենք աշխատանքներ ենք տանում տվյալ համաձայնագրի շուրջ, պայմանագրերի մի մասն արդեն ստորագրվել է, այսօր խմբեր են աշխատում, հաստատվել է համապատասխան համագործակցություն, որ բոլոր հարցերը լուծվեն արագացված կերպով։ Այդ միջոցների արդեն մի մասը պատրաստ է, և մենք կփոխձենք դրանք արագ հասցնել Հայաստան»,– ասաց Օհանյանը։
Հայաստանը ՌԴ–ից գնում է «Սմերչ» համազարկային կրակի ռեակտիվ համակարգեր և դրա պահեստամասեր, «Игла-С» զենիթային հրթիռային համակարգեր, «Ավտոբազա-Մ» ռադիոտեխնիկական կատարողական հետախուզության ցամաքային համակարգեր, ТОС-1А («Սոլնցեպյոկ») ծանր կրականետ համակարգեր տրանսպորտային–լիցքավորող մեքենաներով, 9М113М կառավարվող հրթիռներ, РПГ-26 նռնականետեր, Դրագունովի դիպուկահար հրացաններ, «Տիգր» զրահամեքենաներ, ինժեներական և կապի միջոցներ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
