ԵՐԵՎԱՆ, 20 օգոստոսի. /Նովոստի–Արմենիա/. 2008 թվականի մարտի 1–ի քրեական գործը, որով անցնում է կալանքի մեջ գտնվող երկրորդ նախագահ Ռոբերտ Քոչարյանը և երեք նախկին բարձրաստիճան պաշտոնյաներ, փոխանցվել է Երևանի առաջին ատյանի դատարանի դատավոր Աննա Դանիբեկյանին։ Այդ մասին ասվում է հայկական ԶԼՄ–ների ներկայացրած Բարձրագույն դատական խորհրդի հաղորդման մեջ։
Ռոբերտ Քոչարյանի և մյուսների գործը մակագրվել էր դատավոր Դավիթ Գրիգորյանին, սակայն նրա լիազորություններն այս պահին կասեցվել են (Դավիթ Գրիգորյանը մայիսի 18-ին որոշում էր կայացրել Ռոբերտ Քոչարյանին ազատ արձակել Արցախի Հանրապետության ներկա և նախկին նախագահների անձնական երաշխավորությամբ): Երկու օր անց` մայիսի 20-ին, Գրիգորյանը որոշել էր նաև Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի վերաբերյալ գործի վարույթը կասեցնել և դիմել Սահմանադրական դատարան: Հուլիսի 31–ին հայտնի է դարձել, որ Գրիգորյանին պաշտոնեական կեղծիքի մեղադրանք է առաջադրվել։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում