ԵՐԵՎԱՆ, 24 հուլիսի. /Նովոստի-Արմենիա/. ՀՀ վերաքննիչ քրեական դատարանը դատավոր Արսեն Նիկողոսյանի նախագահոթյամբ չորեքշաբթի մերժեց դատախազության բողոքն Աննա Դանիբեկյանի որոշման վերաբերյալ` ՀՀ երկրորդ նախագահ Ռոբերտ Քոչարյանի գույքի վրա դրված կալանքի հարցով:
«Իմ գրասենյակից վերցվել են փաստաթղթեր, որոնք վկայել են իմ միջոցների և գույքի օրինականոթյան մասին: Չեմ հասկանում` ինչի համար են այդ փաստաթղթերը վերցվել: Մեկ անգամ չէ, որ հիշեցրել եմ այդ փաստաթղթերի վերադարձի մասին, սակայն որևէ արձագանք չի եղել», - ասաց Քոչաչյանը նիստի ժամանակ:
Ըստ նրա, ոչ պակաս զարմանք է առաջացնում թոշակի վրա դրված կալանքը` նշելով, որ նա պետք է վճարի կոմունալ ծառայությունների, փաստաբաների ծառայությունների համար:
«Մարդուն զրկում են ամեն ինչից, այդ թվում` ինքնապաշտպանության հնարավորութունից», - ասաց երկրորդ նախագահը:
Այնուհետև Քոչարյանը որոշեց պատասխանել այն հարցին, թե ինչու է քննիչը որոշել 27 հազար վերցնել իր պահարանից։
Загружается новость ...
"Право"
«Կարծում եմ` շոկի ազդեցության տակ: Կարծում եմ` քննիչը բացել է սեյֆը և տեսել, որ այնտեղ 4 մլրդ չէ», - ասաց Ռոբերտ Քոչարյանը:
Դատավորը կոչ արեց զերծ մնաց հեգնող բնույթի խոսքերից:
«Կարծում եմ, որ դատարանն այն վայրն է, որտեղ մարդը կարող է արտահայտել իր կարծիքը և օգտագործել այն բառապաշարը, որը համարում է ճիշտ: Չեմ կարծում, որ դորս եմ եկել պատշաճ բառապաշարի սահմաններից: Խնդրում եմ հարգել նաև կարծիք արտահայտեու իմ իրավունքը: Լա՞վ: Ասում եմ, որ արդեն մեկ տարի է, ինչ իմ իրավունքների նկատաբ ոտնձգություն է իրականացվում: Դա տեղի է ունենում լկտի կերպով: Ես իրավունք չունե՞մ խոսել դրա մասին», - հայտարարեց նա:
Դրանից հետո դատարանը հեռացել է խորհրդակցական սենյակ, որտեղից վերադառնալուց հետո մերժել է դատախազության բողոքը:
«Մերժել առաջին ատյանի դատարանի որոշման նկատմամբ Գլխավոր դատախազության բողոքը: Ուժի մեջ թողնել առաջին ատյանի դատարանի որոշումը», - ասաց Նիկողոսյանը:-0-