ՔԿՀ-ում կալանավորին փորձել են սպանել. հարուցվել է քրեական գործ

ԵՐԵՎԱՆ, 27 մարտի. /Նովոստի–Արմենիա/. Քննչական գործողություններ են կատարվում` «Արմավիր» ՔԿՀ-ում պահվող կալանավորված անձի նկատմամբ սպանության փորձ կատարելու դեպքի հանգամանքները, շարժառիթը պարզելու ուղղությամբ, հայտնում է Հայաստանի քննչական կոմիտեի մամուլի ծառայությունը։

Ըստ հաղորդման, 2017 թվականի մարտի 25-ին ահազանգ է ստացվել, որ նույն օրը՝ ժամը 13:45-ի սահմաններում, ՀՀ ԱՆ «Արմավիր» ՔԿՀ-ում բռնություն է գործադրվել կալանավորներից մեկի նկատմամբ՝ կտրող-ծակող առարկայով պատճառելով մարմնական վնասվածքներ։

Նախնական տվյալներով, կալանավորի նկատմամբ սպանության փորձ է կատարվել նույն ՔԿՀ-ում պահվող մեկ այլ դատապարտյալի կողմից, ինչը կանխվել է։

Հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 1-ին մասի հատկանիշներով։ Գործի նախաքննությունը իրականացվում է ՀՀ ՔԿ հատկապես կարևոր գործերի քննության գլխավոր վարչությունում:

Քրեական գործի շրջանակում կալանավորը ճանաչվել է տուժող: Կատարվել է դեպքի վայրի զննություն:

Վերցվել են նմուշներ, կատարվել առգրավումներ, նշանակվել դատաբժշկական փորձաքննություններ, հարցաքննվել մի շարք վկաներ: -0-