ԵՐԵՎԱՆ, 26 մարտի. /Նովոստի-Արմենիա/. «Բարգավաճ Հայաստան» խորհրդարանական խմբակցության պատգամավոր Սերգեյ Բագրատյանը երեքշաբթի առաջարկեց Հայաստանի ԱԺ նիստ անցկացնել Գյումրիում։
«Մի լավ ասացվածք կա` եթե սարը չի գնում Մուհամեդի մոտ, ապա Մուհամեդն է գնում սարի մոտ։ Մենք կփորձենք հաղթահարել խոչընդոտը և քննարկել խնդիրները քաղաքացիների հետ անմիջական շփման միջոցով։ Պետք է լսենք այն խնդիրները, որոնք հնարավորություն կտան օրենսդրական նախաձեռնություններ սկսել»,– ասաց նա։
Загружается новость ...
"Право"
Պատգամավորի խոսքով, այդ նախաձեռնությունն օգտակար կլինի այն դեպքերում, երբ կառավարությունը չի հասցնում ներկայացնել նախաձեռնություններ, իսկ խորհրդարանը ցանկություն չունի դա անելու։
Բագրատյանը հայտնեց, որ դա լավ տարբերակ է ծանոթանալ երկրի մշակութային կյանքի հետ և կապ հաստատել բնակչության հետ։
«Մենք ունենք ընդամենը տասը մարզ և կարող ենք անցկացնել տասն արտագնա նիստեր։ Ժողովուրդը մշտապես դժգոհում է, որ նրան հիշում են միայն ընտրությունների ժամանակ։ Գոնե տասն անգամ կարող ենք հերքել դա»,– կատակեց պատգամավորը։ -0-