ԵՐԵՎԱՆ, 25 հուլիսի. /Նովոստի–Արմենիա/. Արցախյան քառօրյա պատերազմում երկու ոտքը կորցրած զինծառայող Դավիթ Գրիգորյանն արդեն ոչ միայն քայլում է, այլ նաև ավտոմեքենա է վարում։
Տեսանյութը, որում Գրիգորյանը մեքենայի ղեկին է, տարածվել է Facebook–ում։
Զինծառայողը սկսել է քայլել հունիսի վերջին հաջող պրոթեզավորումից հետո։
Զինվորը ստացել է «ժպտացող» անունը, քանի որ, չնայած ծանր վնասվածքներին, բոլոր լուսանկարներում նրա դեմքից ժպիտը չի պակասել։
Գրիգորյանը երկու ոտքերը կորցրել է երկու արկի պայթյունի հետևանքով։ «Հայ զինվոր» թերթին տված հարցազրույցում նա ասել է, որ նրան շատ էր ոգևորել պաշտպանության նախարար Սեյրան Օհանյանի այցը հոսպիտալ։ Նախարարը նրան ասել էր. «Եթե դու ունես ծնկներ, ուրեմն ունես ոտքեր»։
Գրիգորսյանը խնդրել էր պաշտպանության նախարարին թույլ տալ իրեն շարունակել բանակում ծառայությունը և համաձայնություն էր ստացել։ «Ժպտացող» հերոսը կծառայի հայրենի Նոյեմբերյանի զորամասում։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
