Փաշինյանը 2 ժամ տվեց Ոստիկանության և ԱԱԾ պետերին օլիգարխներին թիկնապահներին զինաթափել, այլապես ինքն անձամբ կզբաղվի դրանով

21:16

11 Սեպտեմբերի 2018

ԵՐԵՎԱՆ, 11 սեպտեմբերի. /Նովոստի–Արմենիա/. Հայաստանի վարչապետ Նիկոլ Փաշինյանը Երևանի ավագանու խորհրդի ընտրությունների նախընտրական քարոզարշավի շրջանակում մեկնաբանեց ԱԱԾ և ՀՔԾ պետերի հեռախոսազրույցի սկանդալային ձայնագրությունը։

«Հատուկ ծառայությունների գաղտնալսումը դավադրություն է, հանցագործություն հայկական պետականության դեմ։ Ես հանձնարարել եմ Ազգային անվտանգության ծառայությանը և ոստիկանությանն ամենակարճ ժամկետներում գտնել դավադրության կազմակերպիչներին և ենթարկել նրանց ամենախիստ պատասխանատվության։ Այդ բոլոր չակերտավոր հատուկ ծառայությունները հայտնաբերվելու են և ոչնչացվեն»,– ասաց Փաշինյանը։

Նա հրահանգեց ԱԱԾ և ոստիկանության պետերին այս պահից ռեյդեր իրականացնել օլիգարխների և բարձրաստիճան պաշտոնյաների թիկնազորի դեմ։

«Այսպես կոչված թիկնազորին պառկեցնել ասֆալտին և զինաթափել բոլորին։ Երկու ժամ հետո, Արթուր Վանեցյան և Վալերի Օսիպյան, պետք է զեկուցեք ինձ կատարած աշխատանքի և արդյունքների մասին։ Ոչ ոք «չի պլստալու» արդարադատությունից»,– ասաց Փաշինյանը։

Նրա խոսքով, «բաց ձեռքերրի հեղափոխությունը» շարունակվում է, բոլոր գործողությունները պետք է լինեն օրինականության շրջանակում։

«Մենք ունենք ոստիկանություն և ԱԱԾ, ես պահանջում եմ նրանից կարգուկանոն հաստատել ամբողջ Հայաստանում։ Եթե տեսնեմ, որ նրանք չեն կարողանում դա անել, ապա ինքս գիտեմ` ինչպես։ Կրկին կամուֆլյաժ կհագնեմ և կարգուկանոն կհաստատենք Հայաստանում` փողոց փողոցի հետևից, տուն` տան հետևից»,– ասաց Փաշինյանը։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Փաշինյան #արտահոսք #օլիգարխներ

Թեմատիկ նյութեր