Փաշինյանին վստահում է հարցվածների 12%-ը, երկրորդ նախագահ Ռոբերտ Քոչարյանին՝ 4%-ը. հարցման տվյալներ

ԵՐԵՎԱՆ, 22 հուլիսի․/Նովոստի–Արմենիա/․ Հայաստանում հարցվածների 61%-ը չի վստահում որևէ քաղաքական գործչի։ Այս մասին են վկայում Միջազգային հանրապետական ինստիտուտի (IRI) կողմից անցկացված հարցման տվյալները։

ՀՀ վարչապետ Նիկոլ Փաշինյանին վստահում է հարցվածների 12%-ը, երկրորդ նախագահ Ռոբերտ Քոչարյանին՝ 4%-ը, արտաքին գործերի նախարար Արարատ Միրզոյանին՝ 2%-ը, իսկ ԱԺ նախագահ Ալեն Սիմոնյանը և «Հանրապետություն» կուսակցության ղեկավար Արամ Սարգսյանն ստացել են 1-ական տոկոս։

10%-ը նշել է, որ վստահում են այլ քաղաքական գործիչներին, 10%-ը դժվարացել է պատասխանել։

Հետազոտությունն անցկացվել է Միջազգային հանրապետական ինստիտուտի (IRI) Հարցումների հետազոտությունների կենտրոնի նախաձեռնությամբ (Center for Insights in Survey) և իրականացվել է BREVIS-ի կողմից։

Տվյալները հավաքվել են 2025 թվականի հունիսի 16-ից 26-ը հեռախոսային հարցման միջոցով։

Հարցմանը մասնակցել է 18 տարեկանից բարձր 1505 քաղաքացի։