Փաշինյանը կմեկնի Դուշանբե՝ մասնակցելու ԱՊՀ առաջնորդների գագաթնաժողովին

ԵՐԵՎԱՆ, 9 հոկտեմբեր․/Նովոստի-Արմենիա/. ՀՀ վարչապետ Նիկոլ Փաշինյանը Բելգիայից կմեկնի Տաջիկստան՝ մասնակցելու ԱՊՀ առաջնորդների գագաթնաժողովին։

Համապատասխան տեղեկատվությունը տեղադրված է կառավարության կայքէջում։

Ըստ տեղադրված որոշման՝ վարչապետն այնտեղ կլինի հոկտեմբերի 9-10-ը:

Վարչապետի գլխավորած պատվիրակության կազմում են նաև փոխվարչապետ Մհեր Գրիգորյանը, Արտաքին գործերի նախարար Արարատ Միրզոյանը, փոխնախարար Մնացական Սաֆարյանը, ինչպես նաև Տաջիկստանում ՀՀ դեսպան Արմեն Ղևոնդյանը, Անկախ պետությունների համագործակցության կանոնադրական և այլ մարմիններում ՀՀ մշտական և լիազոր ներկայացուցիչ Ռազմիկ Խումարյանը և այլք։

Հիշեցնենք՝ Նիկոլ Փաշինյանն աշխատանքային այցով նախօրեին մեկնել է Բրյուսել՝ մասնակցելու «Համաշխարհային դարպասներ» (Global Gateway) միջազգային երկրորդ համաժողովին։