Օդերևութաբանները պատմել են «Էրեբունի–Երևանի» օրվա եղանակի մասին

ԵՐԵՎԱՆ, 13 հոկտեմբերի. /Նովոստի–Արմենիա/. Հայհիդրոմետկենտրոնը ներկայացրել է առաջիկա հինգ օրերի եղանակի կանխատեսումը։

Օդի ջերմաստիճանը հանրապետությունում հոկտեմբերի 14–ին կբարձրանա 1-2 աստիճանով, իսկ հոկտեմբերի 15–ի ցերեկը, հոկտեմբերի 16–ին և 17–ի գիշերը կնվազի 2-3 աստիճանով։

Միաժամանակ Երևանում հոկտեմբերի 14–ին, երբ մայրաքաղաքի բնակիչներն ու հյուրերը հավաքվեն նշելու քաղաքի 2799–ամյակը, սպասվում է տաք և արևոտ եղանակ` օդի ջերմաստիճանը ցերեկային ժամերին կտաքանա մինչև 20-24 աստիճան տաքություն։

Իսկ կիրակիից երեքշաբթի սնդիկի սյունը ցույց կտա 20-22 աստիճան տաքություն։

Օդերևութաբաններն անձրևներ և ամպրոպներ են կանխատեսում հանրապետության մարզերի մեծամասնությունում հոկտեմբերի 13–ի լույս գիշերը և հոկտեմբերի 15–ին, իսկ հոկտեմբերի 16–ին` միայն հյուսիսային շրջաններում։ Առանց տեղումների եղանակ է սպասվում նաև հոկտեմբերի 13–ի ցերեկը, հոկտեմբերի 14–ին և 17–ին։

Քամին կլինի հարավ–արևմտյան` 3-5 մետր վայրկյան արագությամբ, ամպրոպի ժամանակ հնարավոր է քամու ուժգնացում մինչև 15-20 մետր վայրկյան։ -0-