Օդերևութաբանները պատմել են ընտրությունների օրվա եղանակի մասին

ԵՐԵՎԱՆ, 7 դեկտեմբերի. /Նովոստի–Արմենիա/. Հայհիդրոմետկենտրոնը ներկայացրել է առաջիկա օրերի, այդ թվում` դեկտեմբերի 9–ին, սպասվող եղանակը։

Դեկտեմբերի 9–ին երկրում կանցկացվեն արտահերթ խորհրդարանական ընտրություններ։

Այսպես, դեկտեմբերի 7–ին առանձին շրջաններում, իսկ 8-9–ին` Հայաստանի մարզերի մեծամասնությունում և Երևանում սպասվում են տեղումներ, լեռնային շրջաններում` ձյան տեսքով։

Հոկտեմբերի 10-11–ին կանխատեսվում է պարզ եղանակ։

Օդի ջերմաստիճանն էապես չի փոխվի։

Երևանում ընդհուպ մինչև երեքշաբթի սնդիկի սյունը ցերեկային ժամերին կտատանվի 6-10 աստիճան տաքության սահմաններում։ -0-