ԵՐԵՎԱՆ, 7 հուլիսի./Նովոստի-Արմենիա/. Նախօրեին՝ հուլիսի 6-ին, «Հայփոստ» ՓԲԸ դիտորդ խորհրդի նիստին կայացած մրցույթի արդյունքներով՝ «Հայփոստ» ՓԲԸ գլխավոր տնօրենի պաշտոնում միաձայն ընտրվել և նշանակվել է Հայկ Կարապետյանը: Այս մասին հայտնում է ընկերության մամուլի ծառայությունը:
Загружается новость ... "Лево"
Նշենք, որ Հայկ Կարապետյանը սույն թվականի ապրիլի 20-ից իրականացրել է «Հայփոստ» ՓԲԸ գլխավոր տնօրենի պարտականությունները որպես ժամանակավոր պաշտոնակատար:
Հայկ Կարապետյանը սովորել է Ն.Է. Բաումանի անվան ՄՊՏՀ, Ինֆորմատիկայի և կառավարման համակարգերի ինժեներ մասնագիտությամբ:
Աշխատել է Երևանի քաղաքապետարանի ներկայացուցչությունը Մոսկվայում Հատուկ նախագծերի գծով ներկայացուցչության ղեկավարի տեղակալի պաշտոնում։ Եղել է MEGAFON («ՄեգաՖոն» ՀԲԸ) ընկերության Ֆինանսական ծառայությունների գծով տնօրեն, այնուհետև VEON GROUP (ՎԵՈՆ Արմենիա ՓԲԸ) ընկերության կոմերցիոն տնօրեն, 2019թ. հուլիս — 2020 ապրիլը հանդիսացել է Round Bank («Բանկ Ռաունդ» ՍՊԸ) ընկերության, պրոդուկտների գծով տնօրեն, տնօրենների խորհրդի անդամ։
«ՀայՓոստ» ՓԲԸ-ն Հայաստանի փոստային կապի ազգային օպերատորն է, որը տրամադրում է փոստային, ֆինանսական և մանրածախ առևտրային ծառայություններ: Ներկայումս «ՀայՓոստ» ՓԲԸ-ն իր գործունեությունը ծավալում է ՀՀ բոլոր քաղաքներում և նույնիսկ ամենահեռավոր գյուղերում գործող 900 փոստային բաժանմունքների միջոցով: –0–
