ԵՐԵՎԱՆ, 15 հոկտեմբերի. /Նովոստի–Արմենիա/. «Նովոստի–Արմենիա» գործակալությունը գործարկել է նոր ինտերակտիվ ձևաչափ` ժամանցային ու զվարճալի
խաղեր` քվեստերի տեսքով:
«Մենք ստեղծել ենք բացառիկ նախագիծ` որպես հիմք վերցնելով լուրերի սովորական դարձած ձևաչափն ու ներառել ենք խաղային գործընթաց։ Խաղեր ասելով` ի նկատի ունենք բոլոր ինտերակտիվ նախագծերը, որոնք պահանջում են ընթերցողի անմիջական մասնակցություն», – հայտարարել է «Նովոստի–Արմենիա» գործակալության գլխավոր տնօրեն Գալինա Դավիթյանը։
Նրա խոսքով, նախագծի նպատակն է ընթերցողին ոչ միայն փոխանցել ինֆորմացիա, այլև հնարավորություն տալ աշխատել դրա հետ։
«Հույս ունենք` խաղային նոր ուղղվածության շնորհիվ մեր ընթերցողների շարքին կմիանան մեծ թվով երիտասարդներ, ինչպես նաև կավելանա մեր կայքում ընթերցողների կողմից անցկացված միջին ժամանակահատվածը», – նշել է Դավիթյանը։
«Նովոստի–Արմենիա» միջազգային տեղեկատվական գործակալությունն աշխատում է Հայաստանի տեղեկատվական տարածքում ավելի քան 10 տարի և ներառված է մեդիաշուկայի առաջատարների թվում։ Գործակալությունն ամենամեջբերվող ռեսուրսներից է հայկական ԶԼՄ–ների շրջանում, իսկ «Նովոստի–Արմենիա» գործակալության
կայքն ամսական ունենում է ավելի քան 1,1 մլն այցելու։ Գործակալությունն իրականացնում է ակտիվ մարքեթինգ սոցիալական ցանցերում և այսօր Facebook–ում ունի 148 հազար բաժանորդ, ինչն ապահովում է օրական ավելի քան 250 հազար դիտում։–0–