«Նա զբաղված է իր հետ կապ չունեցող բաներով»․ Գևորգ Պետրոսյանը քննադատել է ԿԳՍՄ նախարարին (ՎԻԴԵՈ)
10:10
12 Օգոստոսի 2020
ԵՐԵՎԱՆ, 12 օգոստոսի․ /Նովոստի-Արմենիա/․ «Բարգավաճ Հայաստան» ընդդիմադիր խմբակցության ՀՀ Ազգային ժողովի պատգամավոր Գևորգ Պետրոսյանը «Նովոստի – Արմենիայի» Youtube-յան ալիքի «Հատուկ կարծիք» հաղորդման ժամանակ քննադատել է ՀՀ կրթության, գիտության, մշակույթի և սպորտի նախարար Արայիկ Հարությունյանին:
«Նախարարների ատեստացիայի ինստիտուտ մեր օրենսդրությամբ նախատեսված չէ, բայց եթե նրանք պատիվ ունենային և խնդրեին իրենց ատեստավորել, ապա Արայիկ Հարությունյանն առաջին հարցից կկտրվի։ Նա արաբագետ է և արաբերեն չգիտի», - ասաց նա:
Պատգամավորը քննադատեց այն համակարգը, որում բարձր միավորներ ստացած դիմորդները չեն ընդունվում բուհեր, իսկ նրանք, ովքեր նվազագույն միավորն են հավաքել, ընդունվել են:
Загружается новость ... "Лево"
«Մի մարդ, որը 4 տող չի կարողանում անգիր անել, կրթության նախարարն է, ուրեմն այստեղ թեման փակված է: Ի՞նչ կրթական ռեֆորմ կարող է անել այս մարդը: Հիմա ես կկարողանա՞մ գինեկոլոգիայի կամ աստղագիտության ոլորտում ռեֆորմ անել, ոչ, որովհետև դա իմ գործը չէ: Էդ մարդը զբաղված է իր հետ կապ չունեցող բաներով », - ասաց Պետրոսյանը:
Միևնույն ժամանակ, պատգամավորը նշեց, որ նման խնդիր է նկատվում կառավարման ամբողջ համակարգում, և այդ պատճառով էլ իրենց կուսակցությունը պահանջում է կառավարության հրաժարականը:
Կրթության ոլորտի բարեփոխումը վերջին մեկ ամսվա ընթացքում քննադատության է ենթարկվել հասարակական գործիչների, ուսուցիչների Հայաստանի բուհերի դասախոսների կողմից: Մասնավորապես, նշվում է, որ նախագիծը կազմվել է՝ առանց փորձագիտական կարծիքը հաշվի առնելու և ներառում է անընդունելի փոփոխություններ: Օրինակ՝ փորձագետները պնդում են, որ կան պատմության դասագրքեր գրելու չափորոշիչներ, որոնք նպաստում են պատմական իրադարձությունների թուրքամետ տեսակետին: -0-