ԵՐԵՎԱՆ, 30 նոյեմբերի./Նովոստի-Արմենիա/.Մշակույթի գործիչներն ու մտավորականներն այսօր Երևանում նախաձեռնել են Մտավորականների միաբանության երթ՝ Հայրենիք ռազմագերիների վերադարձի հարցով: Երթը մեկնարկել է Շառլ Ազնավուրի հրապարակից և շարժվել դեպի Երևանում Ֆրանսիայի դեսպանատուն:
«Ինչ-որ անում ենք քաղաքական ոչ մի իմաստ չունի, մեր երեխեքի հետ է կապված ,անհետ կորած երեխեքի հետ: Ես 71 տարեկան եմ, լսել կամ տեսե՞լ եք, որ ես որևէ քաղաքական բանի մասնակցեմ: Ես քաղաքականություն երբեք չեմ սիրել և երբեք չեմ հասկացել: Սա հայի՝ իսկական, էմոցիանալ, ճիշտ շարժում է, որին ես մեծ սիրով մասնակցում, որ գոնե տեսնենք ինչ կարող ենք անել»,- նշել է դերասան Աշոտ Ղազարյանը:
Загружается новость ... "Лево"
Դերասան և պրոդյուսեր Հրանտ Թոխատյանը հայտնել է, որ երթի կազմակերպիչները նամակ են կազմել՝ ուղղելով այն Ֆրանսիայի դեսպանին Ադրբեջանում հայ ռազմագերիների վերադարձի խնդրի վրա ուշադրություն սևեռելու համար: Գերության մեջ գտնվող մարդկանց անվտանգությունն ապահովելու համար այսօրվա երթն անցկացվում է առանց լուսանկարների, ինչպես հաղորդվում էր ավելի վաղ:
«Դուք հարցնում եք. հետո ի՞նչ: Հետո մենք կսպասենք երկրների արձագանքների, այդժամ պարզ կդառնա, թե ինչպես գործել»,- հայտնել է Թոխատյանը:
Նոյեմբերի 28-ին Շառլ Ազնավուրի անվան հրապարակում Հայաստանի մշակույթի գործիչները բողոքի ակցիա անցկացրեցին` հայ ռազմագերիներին և զոհված զինծառայողների մարմինները հայրենիք վերադարձնելու պահանջով: Կազմակերպիչները ՝ կինոպրոդյուսեր Արմեն Գրիգորյանը, ռեժիսոր Մհեր Մկրտչյանը և դերասան Հրանտ Թոխատյանը կոչ արեցին ներկաներին միանալ «Անմահ գնդի» նման գործողությանը զոհված և անհայտ կորած զինծառայողների լուսանկարներով ՝ երթով դեպի արտասահմանյան երկրների դեսպանատներ Երևանում: Մշակույթի ոլորտի աշխատողների ակցիայի շրջանակներում առաջին երթը տեղի է ունեցել նոյեմբերի 29-ին: Մասնակիցները Ազատության հրապարակից քայլեցին դեպի ՀՀ-ում Ռուսաստանի դեսպանություն և հավաքական նամակ ուղարկեցին Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինին` խնդրելով «միջամտել կատարվողին և դիմումը փոխանցել Ռուսաստանի Դաշնության ղեկավարությանը»` ռազմագերիների և խաղաղ բնակիչների Ադրբեջանից հայրենիք վերադարձի գործընթացն արագացնելու համար:-0-