Միջերկրածովյան հոսանքներ են գալիս Հայաստան. մինչև 18 աստիճան տաքություն է սպասվում

ԵՐԵՎԱՆ, 18 դեկտեմբերի. /Նովոստի Արմենիա/. Միջերկրական ծովից եկող տաք և խոնավ հարավ–արևմտյան օդային հոսանքների ազդեցության ներքո օդի ջերմաստիճանը Հայաստանում դեկտեմբերի 20-21–ին կբարձրանա 4-6 աստիճանով, հայտնեց Հայհիդրոմետկենտրոնի մետեորոլոգիական կանխատեսումների բաժնի պետ Գագիկ Սուրենյանը։

«Արդյունքում հովիտներում և նախալեռներում կգրանցվեն գիշերային դրական ջերմաստիճաններ»,– գրել է նա Facebook–ում։

Սուրենյանը հայտնեց նաև, որ դեկտեմբերի 20–ի կեսօրից հետո հանրապետության մարզերի մեծ մասում պարբերաբար տեղումներ են սպասվում, հովիտներում` անձրևի տեսքով։
Միաժամանակ, Հայհիդրոմետկենտրոնի կանխատեսման համաձայն, Շիրակի և Գեղարքունիքի մարզերում, ինչպես նաև Կոտայքի, Արագածոտնի և Վայոց Ձորի լեռներում դեկտեմբերի 20–ից սպասվում են ձյան տեսքով տեղումներ։


Ամենաբարձր ջերմաստիճանները սպասվում են դեկտեմբերի 19–ից 23–ը Սյունիքի հովիտներում` այնտեղ ցերեկային ժամերին օդի ջերմաստիճանը կկազմի 13-18 աստիճան տաքություն։ Տավուշում սնդիկի սյունը կբարձարան մինչև 15 աստիճան տաքություն, իսկ Սյունիքի նախալեռներում` մինչւ 10-14 աստիճան, Լոռիում` 8-13 աստիճան տաքություն։

Երևանում երեքշաբթիից շաբաթ օդի ջերմաստիճանը կտատանվի 4-8 աստիճան տաքության սահմաններում ցերեկը և 1 աստիճանց ցրտից 3 աստիճան տաքության սահմաններում` գիշերը։ -0-