ԵՐԵՎԱՆ, 15 փետրվարի./Նովոստի–Արմենիա/. Երևանի Աջափնյակ համայնքում` «Թումո» ստեղծարար տեխնոլոգիաների կենտրոնի հարևանությամբ, մետրոյի նոր կայարանի կառուցման 2 կոնցեպտ է քննարկվում, ուրբաթ լրագրողներին ասաց Երևանի քաղաքապետ Հայկ Մարությանը։
«Առաջինը լինում է կամուրջ, գնացքն անցնում է կամուրջը և կանգնում է հենց այնտեղ, և մյուսը, որ գնացքը կանգնում է, լինում է հորիզոնական էսկալատոր, որով մարդիկ տեղափոխվում են»,-ասաց նա:
Загружается новость ... "Лево"
Մարությանի խոսքով, նախագիծը ռեալ է։ Նա հույս հայտնեց, որ նախագծին կմասնակցի նաև մասնավոր հատվածը։
«Կայարանը կարող է միքսվել ինչ-որ առևտրի կենտրոնի հետ: Այս ուղղությամբ աշխատանքներ ենք տարվում, որ պետության բեռը միայն պետության վրա չընկնի, քանի որ շատ թանկ է մետրոյի կայարան կառուցելը», – նշեց Երևանի քաղաքապետը։–0–