ԵՐԵՎԱՆ, 17 օգոստոսի./Նովոստի-Արմենիա/. «Մեդիապաշտպան» նախաձեռնության «Մեդիա Վահան» երկրորդ ամենամյա մրցանակաբաշխությանը հայտնի է դարձել, թե ով է 2020թ.-ի ամենաքննարկող քաղաքական գործիչը Հայաստանում:
Միջոցառման շրջանակում նույնպես մրցանակներ են հանձնվել 9 անվանակարգերում. «Լավագույն լրատվական», «Ամենաքննարկվող քաղաքական գործիչ», «Ամենասկանդալային քաղաքական գործիչ», «Ամենադրական հանրային գործիչ», «Լավագույն ֆոտոլրագրող», «Լավագույն լրագրող», «Լավագույն հետաքննող լրատվական», «Կայուն զարգացող լրատվական», «Լավագույն հեռուստամեկնաբան»։
«Մեդիապաշտպան» նախաձեռնության համահիմնադիր Սերգեյ Չամանյանը, հաղթողներին հայտարարելիս նշել է, որ «Ամենաքննարկվող քաղաքական գործիչ» անվանակարգում պայքարը գլխավորապես վարչապետ Նիկոլ Փաշինյանի և Առողջապահության նախարար Արսեն Թորոսյանի միջև էր, սակայն այս տարի անվանակարգում հաղթել է արտակարգ դրության ժամանակ պարետ Տիգրան Ավինյանը: Չամանյանը նշել է, որ ԶԼՄ-ների և հասարակության մեջ ավելի շատ քննարկվում էր ոչ թե Ավինյանի անձը, այլ որպես պարետ վերջինիս հրապարակումները:
Ամենասկանդալային քաղաքական գործիչ անվանակարգում հաղթող է ճանաչվել ԱԺ «Բարգավաճ Հայաստան» ընդդիմադիր խմբակցության պատգամավոր Գևորգ Պետրոսյանը, քանի որ իր գործունեությունը մեծ արձագանք է առաջացրել ԶԼՄ-ներում:
«Ամենդրական քաղաքական գործիչ» անվանակարգում պայքարում էին «Նորք» ինֆեկցիոն հիվանդանոցի տնօրենն ու Պաշտպանության նախարարը: Չամանյանի խոսքով, այս տարի նրանք արժանացել են ընթերցողների, ԶԼՄ-ների և քաղաքացիների ամենադրական գնահատականներին: Արդյունքում, մրցանակի է արժանացել Դավիթ Տոնոյանը:
«Կայուն զարգացող լրատվական» անվանակարգում մրցանակը հասել է Antifake.am-ին, իսկ «Լավագույն հետաքննող լրատվական»-ում՝ Hetq.am-ին, լավագույն լրատվական է ճանաչվել ArmNews-ը: «Լավագույն լրագրող» և «Լավագույն հեռուստամեկնաբան» անվանակարգերում հաղթող ճանաչվել է Գևորգ Ղազարյանը:
«Ես ցանկանում եմ հույս հայտնել, որ այս տարի լրագրողները չեն բախվի դժվարություններին, որոնք ունեին անցյալում, կհասնեն նոր ձեռքբերումների և բարձունքների»,- հայտնել է Չամանյանը:
«Մեդիա Վահան» մրցանակաբաշխությունն առաջին անգամ անցկացվել է 2019թ.-ի օգոստոսի 15-ին: -0-